我朋友a介紹左一個女仔比我地識~出黎玩左兩三次
我覺得個女仔ok~希望可以同佢發展~
但岩岩今日又約返同一班frd出黎玩~其中有個frd B唔到~
聽個女仔掛左呢個frd B係口邊~成日提起佢~問佢d 野
frd B 都係岩岩識個女仔
本人覺得佢可能對frd B 有野~咁我係唔係追佢既成功率小左?
又彧者話~係唔係要取代左frd B 係女仔心中既地位先?

[quote]Originally posted by [i]toku[/i] at 2007-12-2 11:00 PM:
我朋友a介紹左一個女仔比我地識~出黎玩左兩三次
我覺得個女仔ok~希望可以同佢發展~
但岩岩今日又約返同一班frd出黎玩~其中有個frd B唔到~
聽個女仔掛左呢個frd B係口邊~成日提起佢~問佢d 野
frd B 都係岩岩識 ... [/quote]
只係可以咁講,追女仔係講手段,講方法,各施各法,邊個方法高明,佢成功機會就越大,女仔鐘意左第二個當然會難o的,難並唔代表無可能,最緊要係睇feeling,你有辦法令佢對你有feel,成功機會就大得多!

係就係老土o的,不過係金科玉律,只要膽大心細面皮厚,唔怕一時間o既失敗,衰得起,衰左再黎過,跌到起返身,唔放過任何一個對你有利o既機會,雖然唔敢話百分百一定追求到你喜歡o既人,不過只要你能夠做得到,成功率起碼超過7成!

多謝你回應~

我既手段就係多時間~佢住得好近~
放多d 時間比佢~多d 搵機會約佢~
我諗都可以有進一步發展

[quote]Originally posted by [i]toku[/i] at 2007-12-3 01:37 PM:
多謝你回應~

我既手段就係多時間~佢住得好近~
放多d 時間比佢~多d 搵機會約佢~
我諗都可以有進一步發展 [/quote]
重要心細呢...心細即係細心,細心留意佢o既一切,多些從小處著眼,其他人留意唔到o既細節你留意到,你o係佢心目中o既位置就會比其他人高,舉個例,你同佢去街,你留意到佢經常都注意某種產品,佢可能會唔出聲,就行左去!(可能夾緊價,或者唔捨得買,再唔係就心大心細想買唔買...之類!)

你留意到呢一點的話,就多o的從該產品入手,可以同佢傾下有關o既話題,或者o係適當情況下,可以買黎送比佢比個驚喜佢!

(舉例o者,總之就係細心啦!)

有邊個女仔唔鐘意男仔對自己細心呢?

[quote]Originally posted by [i]i553041[/i] at 2007-12-3 04:39 PM:
重要心細呢...心細即係細心,細心留意佢o既一切,多些從小處著眼,其他人留意唔到o既細節你留意到,你o係佢心目中o既位置就會比其他人高,舉個例,你同佢去街,你留意到佢經常都注意某種產品,佢可能會唔出聲,就行左去!(可 ... [/quote]

原來細心都咁緊要~下次細心d 先得...thx

~~>_<~~@-@~~~~

[quote]Originally posted by [i]i553041[/i] at 2007-12-3 04:39 PM:
重要心細呢...心細即係細心,細心留意佢o既一切,多些從小處著眼,其他人留意唔到o既細節你留意到,你o係佢心目中o既位置就會比其他人高,舉個例,你同佢去街,你留意到佢經常都注意某種產品,佢可能會唔出聲,就行左去!(可 ... [/quote]

然兄,你幾招好掂!
係咪用呢個方法追到你女朋友架??

[quote]Originally posted by [i]小白貓[/i] at 2007-12-5 12:02 PM:
然兄,你幾招好掂!
係咪用呢個方法追到你女朋友架?? [/quote]
哈哈哈...「膽大心細面皮厚」呢7隻字唔係我「發明」的,其實追女仔各有各方法o既,我覺得簡單上做到,女仔唔鐘意男仔o既缺點就全部收埋佢,例如大男人,粗心大意,唔夠細心,唔夠成熟,講野唔經大腦,婆婆媽媽,斤斤計較等等...盡量減少呢o的男人會犯o既「毛病」,加上大膽同面皮夠厚,唔怕失敗,只要做得到的話,成功機會自然會高o的啦!

(我覺得係咁o者...!)

[ Last edited by i553041 on 2007-12-5 at 12:18 PM ]

[quote]Originally posted by [i]i553041[/i] at 2007-12-5 12:15 PM:
哈哈哈...「膽大心細面皮厚」呢7隻字唔係我「發明」的,其實追女仔各有各方法o既,我覺得簡單上做到,女仔唔鐘意男仔o既缺點就全部收埋佢,例如大男人,粗心大意,唔夠細心,唔夠成熟,講野唔經大腦,婆婆媽媽,斤斤計較等等 ... [/quote]

然兄,你絕對有足夠資格當愛情顧問,手法簡直完美!
你邊可能有對手先得架!!!
你的女朋友好:51:!

[quote]Originally posted by [i]小白貓[/i] at 2007-12-5 12:40 PM:
然兄,你絕對有足夠資格當愛情顧問,手法簡直完美!
你邊可能有對手先得架!!!
你的女朋友好:51:! [/quote]


我都覺得佢好pro.

[quote]Originally posted by [i]小白貓[/i] at 2007-12-5 12:40 PM:
然兄,你絕對有足夠資格當愛情顧問,手法簡直完美!
你邊可能有對手先得架!!!
你的女朋友好:51:! [/quote]
哎呀,貓姐,唔好笑我啦,做左咁多年人(即係話我老了!),唔多唔少梗會有o的關於呢方面o既經驗啦!

分享下我o既經驗o者!

[quote]Originally posted by [i]toku[/i] at 2007-12-5 02:18 PM:
我都覺得佢好pro. [/quote]
pro唔敢講,討論下o者!

唔記得左講,有樣野都好重要的,就係眼神o既接觸,眼神係會說話的,所以時有聽聞眼超超會比人打就係咁解,不過當然唔係叫你眼超超,眼神運用得好,有時會產生觸電o既效果,如果你面皮夠厚,同佢傾計果時試試唔好周圍望,望住佢雙眼,(眼眉位置,如果望得太正佢可能會覺得尷尬),約10秒左右移開視線1-2秒,然後又再望住佢,(移開視線一兩秒可避免令佢覺得有壓力!)...

望住佢雙眼講野,既顯得你尊重佢,(試問你同一個人講野,佢視線周圍望,你會點諗!?),同時亦有放電效果,而且最好就係,你根本唔需要講o的咩肉麻野,你雙眼已經「出賣」左你,幫你「講左野」,佢只要係一個正常人都一定會感覺得到呢o的「眼神o既說話」!一舉幾得!

用呢種方法同女仔傾計,好容易會令到女仔含羞答答咁dup低個頭,如果佢無咩特別討厭o既反應,甚至唔迥避你o既眼神,咁你就得米了!

[quote]Originally posted by [i]i553041[/i] at 2007-12-5 03:22 PM:
pro唔敢講,討論下o者!

唔記得左講,有樣野都好重要的,就係眼神o既接觸,眼神係會說話的,所以時有聽聞眼超超會比人打就係咁解,不過當然唔係叫你眼超超,眼神運用得好,有時會產生觸電o既效果,如果你面皮夠厚,同佢傾 ... [/quote]

又一個好好既意見~不過首先都要約到佢單獨出街先
因為我而家得佢msn, 但佢又唔係成日on, 真係一星期先on 果一陣
唔知點先可以問到佢囉電話, 我又唔想問我個frd, 真接問佢好d,
唔知會唔會唐突左d呢, 同時約埋佢出街

[quote]Originally posted by [i]toku[/i] at 2007-12-5 02:18 PM:
我都覺得佢好pro. [/quote]

係呀!佢好 PRO.有然兄做愛情顧問,信心大增!!!!
我在此為你打氣!!!
加油!!!!:victory2:

[quote]Originally posted by [i]i553041[/i] at 2007-12-5 03:10 PM:
哎呀,貓姐,唔好笑我啦,做左咁多年人(即係話我老了!),唔多唔少梗會有o的關於呢方面o既經驗啦!

分享下我o既經驗o者! [/quote]

然兄各方面都經驗豐富,實王名歸!!!
我都學左唔少嘢!!!!:42:

[quote]Originally posted by [i]toku[/i] at 2007-12-6 12:26 PM:
又一個好好既意見~不過首先都要約到佢單獨出街先
因為我而家得佢msn, 但佢又唔係成日on, 真係一星期先on 果一陣
唔知點先可以問到佢囉電話, 我又唔想問我個frd, 真接問佢好d,
唔知會唔會唐突左d呢, 同時約埋佢 ... [/quote]
要問女仔拎電話號碼,可以試用以下呢3個方法,但我唔敢話百份百湊效(香港有幾百萬個女仔!),不過成功機會都幾大!

首先搵一o的你自己解決唔到o既難題,公事,人事,學業,感情(例如最近失戀!),家庭,然後o係MSN度透露下最近好心煩,佢通常會問你做乜,然後你就話,唉,一匹布咁長,有o的唔開心,o係MSN度都唔知點講,可唔可以打比你同你傾下電話呀?加多一個「唉」字...就更好!

佢或者會唔想比,(但又唔係話唔想同你傾)你跟住可以話,一係咁啦,或者你用133打比我囉! (其實你地見過面通常都唔會發生呢種情形,通常係未見過面o既網友先會咁!)

如果咁唔好彩,真係要用到133,都唔緊要架,最緊要係佢肯打比你,傾返個幾兩個鐘,氣氛好o既話,臨收線前問佢拎電話號碼一定唔難!(既然今次都可以傾到個幾兩個鐘,問佢拎個電話號碼繼續聯絡有乜問題?)

唔想咁麻煩,咁轉接,直接問佢拎電話號碼好了,直頭話:「你都唔係成日上MSN,有時想搵你傾下計都唔得,你可唔可以比你電話號碼我呀?」(面皮夠厚唔怕失敗者適用!)

或者你又可以咁,試試搵o的o係MSN度講又麻煩,一定要o係電話先講得清楚o既事,然後就話有事要拜託佢幫手,可唔可以o係電話講?

3個方法!

雖然你地見過面,不過我就建議如果你拎到佢個電話號碼,傾多幾次電話先約佢,唔需要咁快話拎到佢電話一打比佢就即時話想約佢出黎的,傾多o的,你可以了解佢多o的,佢又了解你多o的,大家真係熟絡左再約出黎,食檸檬o既機會就細o的!另外,傾多o的電話先再約佢,唔會咁易比到個感覺佢,你拎佢電話號碼同佢傾計只係為約佢出街,咁佢對你o既戒心就會減低o的!

唉...唔好諗唐突呀,果o的咁o既野,呢o的係追女仔大忌,追女仔要勇往直前,試都未試,都唔知會唔會成功,但就已經諗定o的可能性黎打沉自己,呢點係最敝,會打擊你o既自信心!呢o的叫「恐懼成功」!事情未發生你就驚會點點點,會咁咁咁,咁就死得!你唔比你自己會成功架?

例如你想問佢拎電話號碼咁講,但你問都未問,你就驚定先:「死啦,我無啦啦問佢拎電話號碼,佢會唔會以為我想溝佢架?」,「如果問左,佢唔比我,咪好瘀?」,「大家都係見過一兩次面,唔知佢會唔會比電話號碼我呢?」<---就係因為呢o的「恐懼成功」,越諗越驚,唔敢去試,有時就會白白錯失左好多機會!

所以事情未發生的話,就千萬唔好亂諗o的可能性黎打沉自己,事情發生左先去見招拆招!

只要唔怕失敗,追求到你喜歡o既人成功機會就越大!

情場如戰場,打仗當然係要講策略,而且更要勇往直前,有唔怕死o既決心,(誇張下o者! :haha2: )先能取得最後勝利!

衰幾次算乜丫,只要佢唔係同你絕左交,咪再黎過囉,大把機會,凡事唔會咁一帆風順,梗會有o的挫折架啦!將失敗o既經驗當做上堂,下次自然會更加高明,衰左又唔使死o既,我地係男人黎架嘛!

[ Last edited by i553041 on 2007-12-6 at 02:47 PM ]

[quote]Originally posted by [i]i553041[/i] at 2007-12-6 02:09 PM:
要問女仔拎電話號碼,可以試用以下呢3個方法,但我唔敢話百份百湊效(香港有幾百萬個女仔!),不過成功機會都幾大!

首先搵一o的你自己解決唔到o既難題,公事,人事,學業,感情(例如最近失戀!),家庭,然後o係MSN度透露下 ... [/quote]

多謝晒, 又上左人生重要既一課, 我都諗住同佢傾多d 先~
不過msn 傾唔到先諗住電話傾, 所以我會試下照你咁講~
搵機會問佢囉電話, 再傾多d先單獨約佢