[size=4]今晚去咗青衣城果間Cest Bon，真係徹底失望....

- 芝蔴吞拿魚魚生，食之無味
- 青口配蜆，青口有陣尿臭味，口感似食榴槤，咬一口都吐唔切
- 煎鵝肝，底面全焦
- 龍蝦湯，苦澀，飲唔到五匙
- 香蒜煙肉粒意粉，冰冷
- 雪芭，水味蓋過果味
- 燒羊鞍，白色肥膏佔大部份，冇羊味
- 炭燒三文魚，overcooked，似柴乾，有鯹味冇魚味

食物質數差之外，服務質數一樣差! 同侍應反映青口有陣臭味，初時佢話可以換返 ceasar salad比我哋，但佢話我隻青口食咗要証據! 唉，我只係咬咗一口都吐唔切....乜唔係我試過有陣臭味，呢D先叫証據咩? 後來有個女經理話淨係可以換返蜆，因為D蜆好新鮮，咁即話D青口唔新鮮? 之但係我哋兩個人只換返3隻蜆....叫甜品時，menu冇list到自撰甜品內容，個女經理急口令講咗一大堆甜品，問佢可唔可以比個list睇下，佢話冇，但可以出去門口自已睇個甜品櫃....咁，行咗出去就唔返嚟，咁嘅service (包括全程黑面)....

一定冇下次，價錢同食物、服務質數完全唔成比例....[/size]

[ Last edited by shaggydog on 2008-3-9 at 03:09 PM ]

嘩.......間野0係果頭附近。本來都想試下......睇來都係唔使喇.......

話時話，乜得青衣城都有咁貴的西餐食~~~~~我住左咁耐都未見過

[quote]Originally posted by [i]barca69[/i] at 2008-3-16 03:35 PM:
嘩.......間野0係果頭附近。本來都想試下......睇來都係唔使喇.......

話時話，乜得青衣城都有咁貴的西餐食~~~~~我住左咁耐都未見過 [/quote]

呢餐飯每人平均消費$3xx，但完全唔值呢個價...食物唔新鮮又唔好食，服務態度妣美茶餐廳，間爛鬼餐廳正係sell環境?
早知去隔離La Parole，食物同服務都好好多，消費重平D添....

試就試下La Parole，佢嘅angus steak同ristotto 都好好味....